१ साउन काठमाडौँ । आज बजारमा सुनको मूल्य बढेर कारोवार भएको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख ४७ हजार ८०० रुपैयाँ र तेजाबी सुनको मूल्य तोलामा १ लाख ४७ हजार १०० रुपैयाँमा कारोवार भई रहेको छ ।
आज सुन तोलामा ९०० रुपैयाँले बढेर अहिलेसम्मकै उच्च बिन्दुमा पुगेको संघले बताए । हिजो सोमबार छापावाल सुनको मूल्य तोलामा १ लाख ४६ हजार ९०० रुपैयाँ पुगेर खरिद बिक्रि भएको थियो ।
यस्तै आज चाँदीको मूल्य तोलामा १० रुपैयाँले घटेको छ । महासंघले आज चाँदीको मूल्य तोलामा १८ सय ७५ रुपैयाँ कायम रहेको जनाएको छ । हिजो सोमबार १८ सय ८५ रुपैयाँमा कारोबार भएको थियो ।
