१७ कार्तिक काठमाडौँ । आइसिसी टि २० विश्वकप छनोटको सेमिफाइनल खेलमा नेपाललाई विश्वकपमा पुग्न युएईले १ सय ३५ रनको लक्ष्य दिएको छ । माथिल्लो मुलपानी क्रिकेट मैदानमा टस जितेर पहिला ब्याटिङ गरेको युएईले निर्धारित २० ओभरमा ९ विकेट गुमाउँदै १ सय ३४ रन बनायो ।
युएईका वृत्य अरविन्दले ५१ बलमा ८ चौका र २ छक्कासहित सर्वाधिक ६४ रन चौथो ओभरको पहिलो बलमा खालिद शाह ३ रनमा रन आउट भए ।युएईले सुरुवाती तीन ओभरमै २९ रन बनाएको थियो । सोमपालको चौथो ओभरको चौथो बलमा ठूलो सर्ट खेलेका वासिम डिप मिडविकेटमा करण केसीबाट क्याच आउट भए ।
वासिमले १६ बलमा ३ चौका र २ छक्कासहित २६ रनको आक्रामक इनिङ खेलेका थिए । सन्दीपले १० औं ओभरको बलमा आसिफ खानलाई १३ रनमा एलबीडब्लू आउट गरे ।कप्तान रोहित पौडेलको १६ औं ओभरको पाँचौं बलमा अली नासिर लङअफमा कुशल भुर्तेलबाट ४ रनमा क्याच आउट भए ।
एलिशान शराफु १६, आसिफ खान १३, अली नासिर ४, बासिल हामिद र आयन खान १–१ रनमा आउट भए । नेपालका कुशल मल्लले ३ विकेट लिए । सन्दीप लामिछानले २ विकेट कप्तान रोहित पौडेलले १ विकेट लिए । सोमपाल कामीले १ विकेट लिएका थिए ।
