१५ मंसिर कामठाडाैँ । केपी ओली कप टी(२० क्रिकेट प्रतियोगिताको उपाधि मधेश प्रदेशले हात पारेको छ ।
आज शुक्रबार पोखरा क्रिकेट मैदानमा भएको खेलमा त्रिभुवन आर्मी क्लब र मधेश प्रदेश बिचको फाइनल खेमा आर्मी क्लबलाई ११ रनले पराजित गर्दै मधेश प्रदेशले केपी ओली कप टी(२० क्रिकेट प्रतियोगिताको उपाधि जितेको हो ।
टस जितेर पहिले ब्याटिङ गरेको मधेशले ८ विकेटको क्षतिमा १३५ रन जोडेकाे थियाे । मधेश प्रदेशले १३६ रन दिए संगै आर्मीले ७ विकेटको क्षतिमा १२४ रन मात्र जोड्न सक्यो।आर्मीका सोमपाल कामीले मधेशका रुपेश सिंहको बलमा एक रन मात्र जोड्न सके।सोमपालले १५ बलमा नटआउट १६ रन र विवेकले १४ बलमा नटआउट २५ बनाए।
कप्तान विनोद भण्डारीले ३२ रन, सन्तोष कार्कीले १६ रन र भीम सार्कीले २२ रन जोडेका थिए। आर्मीका अन्य ब्याटरले दोहोरो अंकमा रन बनाउन सकेनन्। रोहित पौडेल ५ रन, बसिर अहमद २ रन, कुशल मल्ल ० र राजेश पुलामी ३ रनमै आउट भए।बलिङमा मधेशका कप्तान हरिशंकर साहले ४ विकेट लिए
उनले ४ ओभरमा १९ रन खर्चिए। प्रदीप पासवानले २ विकेट लिए भने पार्थिक यादवले १ विकेट लिन सफल भए। मधेशका लागि विशाल पटेलले नटआउट ४९ रन जोडे। उनले ३२ बलमा ३ चौका र ३ छक्का प्रहार गरे। कप्तान हरिशंकरले २७ रन जोडे भने हिमांशु दत्तले १४ रन र विशाल सुस्लिङले १० रन बनाएका थिए ।
