४ साउन काठमाडौँ । गोरखाको शहीदलखन गाउँपालिकामा आगलागी भएर ६ वटा बाख्रा जलेर नष्ट भएका छन् । शहीदलखन गाउँपालिका वडा न ५ देउरालीछापका ज्ञानबहादुर थापाको गोठमा आगलागी हुदाँ चार वटा माउ बाख्रा र दुई वटा बोका जलेर मरेको हो ।
हिजो बिहीवार बिहान ८ बजे गोठमा कुँडो पकाउने क्रममा आगलागी भएर गोठ जलेर नष्ट भएको हो ।
यस आगलागीबाट गोठ पूर्ण रुपमा जलेर नष्ट भएको छ । आगलागी भएको गोठमा जम्म गरि १४ वटा बाख्रा थिए भने,त्यस मध्यमा दुई वटा बोका र चार वटा माउ बाख्रा मरेको जिल्ला प्रहरी कार्यालयले जनाएको छ । अरु बाकीलाई स्थानियहरु मिलेर बचाउन भ्याएका थिए ।
