२० साउन काठमाडौँ । काठमाडौँ थापाथलीमा पानी ट्याङ्करले मोटरसाइकललाई ठक्कर दिदा मोटरसाइकलमा सवार गर्ने एक महिलाको मृत्यु भएको छ ।
दुर्घटना काठमाडौँ महानगरपालिका वडा न ११ थापाथलीमा माइतीघरबाट थापाथलीतर्फ जाँदै गरेको बा २८ प ४८६७ नम्बरको मोटरसाइकललाई सोही दिशातर्फ गइरहेको मधेस प्रदेश ००३–००१ क २५१९ नम्बरको पानी ट्याङ्करले ठक्कर दिँदा मोटरसाइकलमा सवार गर्ने ६२ वर्षीय महिला सरस्वती तुलाधरको घटनास्थलमा मृत्यु भएको प्रहरीले बताए ।
ट्याङ्करको ठक्करबाट घाइते सरस्वती तुलाधरलाई नर्भिक इन्टरनेसनल अस्पतालमा पुराउने बितिकै चिकित्सहरुले उनलाई मृत्यु घोषण गरेको ट्राफिक प्रहरीले जनाएको छ । घटनामा मोटरसाइकमा चालक घट्टेकुलो निवासी ६९ वर्षीय ध्रुवराज तुलाधर घाइते भइ उनको उपचार भइ रहेको प्रहरीले जनाए ।
प्रहरीले ठक्कर दिने ट्याङ्कर र चालकलाई नियन्त्रणमा लिएको काठमाडौँ उपत्यका ट्राफिक कार्यालयका प्रवक्ता विश्वराज खड्काले जानकारी दिनुभयो । पानी ट्याङ्कर चालक धादिङ गजुरी गाउँपालिकाको रामकुमार तामाङलाई पनि नियन्त्रण लिएको प्रहरी बताए ।
