२१ साउन काठमाडौँ । काभा वुमन्स नेसन्स महिला भलिबल लिगको अन्तिम खेलमा आज नेपाल र माल्दिभ्सबीच खेल हुने भएको छ । यस खेल त्रिपुरेश्वरस्थित राष्ट्रिय खेलकुद परिषद् ९राखेप० को कभर्डहलमा अपराह्न ३ः१५ बजेबाट सुरु हुने भएको हो । यो प्रतियोगिता नेपालले पहिलो खेलमा श्रीलङ्कालाई ३–० को सोझो सेट जितेको थियो ।
दोस्रो खेलमा उपाधिको दाबेदार भारतमाथि ३–२ को रोमाञ्चक जित हासिल गर्दै नेपालले सेमिफाइनल स्थान सुरक्षित गरेको थियो। हिजो आइतवार भएको तेस्रो खेलमा भने नेपालले इरानसँग ३–२ ले पराजित भएको हो ।
सात अङ्कसहित भारत शीर्ष स्थानमा छ भने हिजो नेपाललाई जितेसंगै इरान दोस्रो स्थान रहेको छ । हिजोको हार संगै नेपाल ६ अंकसहित तेस्रो स्थानमा छ ।भारतले एक खेल कम खेलेको छ। भारतले लिग चरणको अन्तिम खेल आजै श्रीलङ्कासँग खेल्ने छ।भारत र श्रीलङ्का बीचको खेल दिउँसो १ बजेबाट सुरु हुनेछ।
