२ कात्तिक । यो बर्षको दसैँमा कोशी प्रदेशमा दुई सय ६९ वटा सवारी दुर्घटना १४ जनाको मृत्यु भएको छ । अबिरल बर्षासंगै आएको बाढीले दसैँको अवधिमा कोशी प्रदेशमा दुई सय ६९ वटा सवारी दुर्घटना हुँदा १४ जनाको मृत्यु भएको नेपाल प्रहरी कार्यालय इटहरी सुनसरीले जनाएको हो ।
घटस्थापनादेखि असोज २९ गतेसम्म भएको दुर्घटनामा १३ पुरुष र एक जना महिलाको मृत्यु भएको सुनसरीका प्रमुख प्रहरी उपरीक्षक विनोद घिमिरेले जानकारी दिए । दुर्घटनामा सबैभन्दा बढी मोरङमा र सबैभन्दा कम धनकुटा र खोटाङमा मृत्यु भएको छ ।
मोरङमा ९५ ठाउँमा दुर्घटना हुँदा पाँच जनाको मृत्यु र सुनसरीमा ६५ ठाउँमा सवारी दुर्घटना हुँदा चार जनाको मृत्यु भएको छ । झापामा ७२ वटा दुर्घटना हुँदा तीन जनाको मृत्यु भएको छ । आर्थिक वर्ष २०७९र८० मा कोशी प्रदेशमा दसैँका बेलामा छ दिनमा एक सय ३५ वटा सवारी दुर्घटना भएको थियो ।
