३ पुस काठमाडौँ । सिद्धार्थ बैक नेपाल प्रिमियर लिग एनपिएल को इलिमिनेटर खेलमा कर्णाली याक्सले चितवन राइनोजलाई जितको लागि प्रतिस्पर्धात्मक १७६ रनको लक्ष्य दिएको छ ।
आज बिहान किर्तिपुरको टियु क्रिकेट मैदानमा टस हारेर पहिलो ब्याटिङ निम्तो पाएको कर्णालीले निर्धारित २० ओभरमा ६ विकेट गुमाएर १ सय ७५ रन जोडेको छ । कर्णालीका लागि कोल्सावालाले सर्वाधिक ५३ रन,विलियम बोसिस्टोले ५२ रन चाल्डिक वाल्टन ४६ रन जोड्दै नट आउट भएको थिए ।
यसै गरी देव खनालले ३ रन,जिशान मक्शुदले १४ रन जोडे ।चितवनका लागि सोहेल तन्भिरले २ तथा रवि बोपारा, शरद भेषवाकर र कुशल मल्लले समान १ विकेट लिए ।
लिग चरणको खेलमा कर्णालीले चितवनलाई ६ विकेटले पराजित गरेको थियो । यो खेलको विजयी टोलीले फाइनल प्रवेशका लागि आजै हुने पहिलो क्वालिफायरको पराजित हुने टोलीसँग बिहीवार खेल्नेछ ।
