४ असार काठमाडौ । आइतबारदेखि मेरो शेयरको पोर्टफोलियोमा समस्या देखिएको छ । सीडिएस एण्ड क्लियरिङको मेरो शेयर पोर्टफोलियो फिचरमा नयाँ बजार मूल्य आधारमा मूल्य परिमार्जन नहुने समस्या आएको हो ।
बजारको सूचक बढेसँगै आफ्नो लगानी कति बढ्यो भनेर हेर्दा पोर्टफोलियोमा कुनै घट्बढ् नभएर पुरानै मूल्य देखिएकाे थियाे । आइतबारको नेप्से परिसूचक ५२.२६ बढ्दा समेत मेरो शेयर पोर्टफोलियो नबढ्दा लगानीकर्ताहरु निराश छन । मेरो शेयरमा साेमवार पनि समस्या देखिएकाे छ ।
मेरो शेयरमा कुनै समस्या नभएको सिडिएस एण्ड क्लियरिङका प्रमुख कार्यकारी अधिकृत पूर्णप्रसाद आचार्यले बताए । मेरो शेयरको सेवाहरु सबै चुस्तदुरुस्त रुपमा चलेको छ । आइपिओ भर्ने, इडिआईएस सबै कामहरु भएको उनको दाबी छ । तर पोर्टफोलियाे बजार मूल्य अपडेट भएको छैन् । त्यो सिडिएस एण्ड क्लियरिङको सिस्टममा भन्दा पनि नेप्सेको सिस्टममा समस्या हुँदा अपडेट नभएको आचार्यले प्रष्ट पारे ।
