३१ असार काठमाडाै । नयाँ आर्थिक वर्ष२०८०/८१ को पहिलो दिनदेखि हवाई भाडा वृद्धि हुने भएको छ । अहिलेको भाडामा करिव ६ प्रतिशत वृद्धि हुने वायुसेवा सञ्चालक सङ्घ नेपालले जनाएको छ ।
सङ्घले आइतवार एक विज्ञप्ति जारी गर्दै भनेको छ । अर्थमन्त्रीबाट आर्थिक वर्ष २०८०/८१ को बजेट वक्तव्यमार्फत घोषणा गरे अनुरूप हवाई यातायात सेवालाई पनि अनिवार्य रूपमा मूल्य अभिवृद्धि करमा दर्ता हुनुपर्ने व्यहोरो सर्वसाधारण तथा यात्रु महानुभावहरुलाई जानकारी गराइन्छ ।
नेपाल सरकारबाट बजेट वक्तव्यमार्फत अनिवार्य गरिएको उक्त व्यवस्था अनुसार यस संघमा आबद्ध सम्पूर्ण वायुसेवा कम्पनीहरूले साउन १ गते देखि लागू हुने गरी हवाई भाडा दरमा नै समावेश गरी मूल्य अभिवृद्धि कर उठाइने ब्यहोरा यसै विज्ञप्तिमार्फत जानकारी गराइन्छ ।
