२० मंसिर काठमाडाैँ । उपप्रधान तथा गृहमन्त्री नारायणकाजी श्रेष्ठकाे स्वास्थ्य अवस्थाबारे बुझन प्रधानमन्त्री पुष्पकमल दाहाल प्रचण्ड शहीद गंगालाल अस्पताल पुगेका थिए ।
आज बिहान शहीद गंगालाल राष्ट्रिय हृदय केन्द्र बाँसबारी पुगेर प्रधानमन्त्री प्रचण्डले गृहमन्त्री श्रेष्ठको स्वास्थ्य अवस्थाबारे जानकारी लिएका हुन् ।
छातीमा असहज महसुस भएपछि मन्त्री श्रेष्ठ मंगलबार बेलुकी अस्पताल भर्ना भएका थिए । उनको मुटुको वायाँतर्फको रक्तनलीमा आंशिक अवरोध देखिएपछि डा. अरुण मास्केसहितको टोलीले एन्जिओप्लास्टी गरेको थियो । गृहमन्त्री श्रेष्ठ केही महिना अघि चीन भ्रमाण जान पनि बिरामी भएका थिए।
