१२ कार्तिक काठमाडौं । स्वयम्भू हुँदै इचङ्गु जाने मूल सडकमा नियमविपरीत पार्किङ गर्ने सवारीसाधनमाथि नागार्जुन नगर प्रहरीले कारबाही थालेको छ। नागार्जुन नगरपालिका वडा नं.३ ले सार्वजनिक सडकमा अनधिकृत रूपमा सवारीसाधन पार्किङ नगर्न सूचना जारी गरे पनि त्यसको बेवास्ता गर्दै पार्किङ गरिएका सवारीसाधनमा नगर प्रहरीले ह्विल लक ह्विल लक लगाएको हो।
वडा नं। ३ का वडा अध्यक्ष उमेश लामाको उपस्थितिमा नगर प्रहरी टोलीले सडकमा नियमविपरीत पार्किङ गरिएका सवारीसाधनको पाङ्ग्रामा ह्विल लक लगाएर कारबाही गरेको छ। सार्वजनिक सूचना जारी गरिसक्दा पनि त्यसको पालना नगरी सडकमा सवारीसाधन पार्किङ गर्ने प्रवृत्तिलाई निरुत्साहित गर्न नगर प्रहरीले यस्तो कदम चालेको हो।
सार्वजनिक सडकलाई निजी पार्किङस्थलका रूपमा प्रयोग गर्दा सडक आवागमनमा अवरोध सिर्जना हुने, सवारीसाधनको आवतजावत प्रभावित हुने तथा पैदलयात्री र सर्वसाधारणले समेत सास्ती व्यहोर्नुपर्ने अवस्था सिर्जना हुन्छ। विशेषगरी व्यस्त सडकमा जथाभावी पार्किङ हुँदा सवारी चाप बढ्नुका साथै दुर्घटनाको जोखिमसमेत बढ्न सक्छ। त्यसैले सार्वजनिक सडकको उचित प्रयोग सुनिश्चित गर्न सम्बन्धित निकायले जारी गरेका सूचना तथा नियमको पालना गर्नु आवश्यक हुन्छ।
नागार्जुन नगर प्रहरीले गरेको कारबाहीले सार्वजनिक सडक व्यवस्थापनमा नियमको कार्यान्वयन र अनधिकृत पार्किङ नियन्त्रणको आवश्यकतालाई पुनः उजागर गरेको छ। सार्वजनिक सूचना जारी गर्नुका साथै त्यसको प्रभावकारी कार्यान्वयनमा ध्यान दिन सकेमा सडकमा जथाभावी पार्किङ गर्ने प्रवृत्तिलाई नियन्त्रण गर्न सहयोग पुग्ने देखिन्छ।
यद्यपि, सडक व्यवस्थापनलाई प्रभावकारी बनाउन नगर प्रहरीको सक्रियतासँगै ट्राफिक प्रहरीको भूमिका पनि उत्तिकै महत्त्वपूर्ण हुन्छ। सडकमा सवारीसाधनको सहज आवागमन, सुरक्षित पैदलयात्रा र व्यवस्थित पार्किङ सुनिश्चित गर्न नगर प्रहरी, ट्राफिक प्रहरी तथा स्थानीय जनप्रतिनिधिबीच प्रभावकारी समन्वय आवश्यक छ।
सार्वजनिक सडक सबैको साझा सम्पत्ति भएकाले यसको प्रयोग गर्दा नियमको पालना गर्नु प्रत्येक नागरिकको दायित्व हो। सम्बन्धित निकायले अनधिकृत पार्किङविरुद्ध नियमित अनुगमन र आवश्यक कारबाहीलाई निरन्तरता दिन सकेमा स्वयम्भू–इचङ्गु सडकको आवागमन सहज बनाउन तथा सडक व्यवस्थापनलाई थप प्रभावकारी बनाउन सहयोग पुग्ने अपेक्षा गरिएको छ।
