५ माघ काठमाडौँ । गोरखाको बारपाक सुलिकोट गाउँपालिका वडा न- ८ जराङस्थित जनप्रेमी युथ क्लबको आयोजनामा तल्लो जराङमा सञ्चालन भएको १५ औँ खुल्ला फुटबल प्रतियोगिताको फाइनल खेल आज दिउँसो २ बजे हुने भएको छ ।
आज शुक्रबार बिहान भएको सेमिफाइनल खेलमा थ्रीस्टार युथ क्लबलाई ७-० गोले पराजित गर्दै आर एफसी जराङ फाइनल पुगेको हो । आर एफसी जराङ लगातार तेस्रो जितसंगै फाइनल प्रवेश गरेको थियो । उक्त खेलमा समूह 'ए' बाट थ्रीस्टार युथ क्लब मसेललाई हराउदैँ आर एफसी जराङले फाइनल पक्क बनाएको हो । यस्तै अर्को सेमिफाइनल खेलमा अन्नपूर्ण युथ क्लबले आयोजक 'बि' जनप्रेमी युथ क्लबलाई १-० गोले पराजित गर्दै अन्नपूर्ण युथ क्लब फाइनलमा पुगेको क्लवका अध्यक्ष किसान गुरुङले बताउनु भयो ।
"युवाको कामना,सकारात्मक परिवर्तनमा नप्रेमी युथ क्लब भन्ने" नारा सहित सेभेन ए साइड फुटबल प्रतियोगिता बारपाकको वडा न ८ जराङ जनप्रेमी युथ क्लबको खेल मैदानमा भइरहेको छ । माघ १ गतेदेखि सुरु भएको खेल माघ ५ गते शनिवार सम्पन्न हुनेछ । प्रतियोगितामा २० टिमको सहभागीता रहेको थियो । प्रतियोगितामा बिजेतालाई नगद रु १ लाख ११ रूपैयासहित कप,मेडल,प्रमाणपत्र दिने तथा उपबिजेतालाइ नगद रु५० हजार ५५रूपैयाँसहित कप,मेडल,प्रमाणपत्रले सम्मान गरिने क्लवका अध्यक्ष किसान गुरुङले जानकारी दिनुभयो।
प्रतियोगितामा उत्कृष्ट खेलाडी , सर्वाधिक गोलकर्ता , उत्कृष्ट गोलरक्षक र उत्कृष्ट डिफेन्डर लाई समेत पुरस्कारको ब्यबस्था समेत क्लवका अध्यक्ष गुरुङले बताउनु भयो । क्लव अध्यक्ष गुरुङका अनुसार वि स २०६५ सालदेखि हरेक बर्ष फुटबल खेल प्रतियोगिता गर्दै आएको छ । गोरखाको बारपाक सुलिकोट गाउँपालिका वडा न ८ जराङले फुटबल विगत १५ बर्ष सम्म प्रतियोगिता आयोजना गर्दै आएका जनप्रेमी युथ क्लब अध्यक्ष गुरुङको दावी छ । क्लवले निर्माण गरेको खेल मैदान जिल्ला र पालिकाको उत्कृष्ट समेत रहेको छ ।
