३ वैशाख काठमाडौँ । त्रिशुली नदी किनारमा बेवारिसे अवस्थामा एक पुरुषको शव फेला परेको छ ।शव गोरखाको बुट्टार स्थित त्रिशुली नदी किनारमा पहिचान खुल्न नसकेको १ जना पुरुषको शव फेला परेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिनुभयो ।
अन्दाजी ५०–५५ बर्षका पुरुषले निलो रंङको ट्याक कालो रंगको टि–सर्टमा नाइक लेखेको बाहिर कालै ज्याकेट लगाएको तथा हातमा कालो घडी लगाएको शव त्रिशुली नदी किनारमा तैरीरहेको अवस्थामा स्थानियले देखेपछी प्रहरीलाई खबर गरेका थिए । ति पुरुषको शव शनिबार साँझ फेला प्रहरीले जानकारी दिएका छन् ।
भेटिएको शव शरिरमा कुनै पनि चोट नदेखिएकाले खोलाले बगाएर ल्याएको हुन सक्ने र शव अहिले गोरखा अस्पतालका शव गृहमा राखिएको पनि सूचना अधिकारी श्रेष्ठले बताउनुभयो ।
