१० असार काठमाडौँ । बाराको जीतपुर सिमरा उपमहानगरपालिकाको नगरसभाको वैठकमा झडप पछि नगरसभा नै स्थागित भएको छ ।आज भएको नीति तथा कार्यक्रम र बजेट ल्याउन बोलाइएको वैठकमा दुई दलका नेकपा एमाले र लोकतान्त्रिक समाजवादी पार्टीबाट निर्वाचित जनप्रतिनिधिहरुले अवरोध गर्न खोजेपछि झडप सुरु भएको थियो ।
यो भन्दा पहिला पनि नेकपा माओवादी केन्द्रबाहेक अरु नेपाली कांग्रेस, नेकपा एमाले, लोसपा र एकीकृत समाजवादीबाट निर्वाचित जनप्रतिधिहरुले नगर सभा बहिष्कार गर्दै आएका मेयर राजन पौडेल बताए । यही नगर सभा गर्नको लागि भनि असारको ६ र ८ गते नगरसभाको बैठक बोलाए पनि ती ४ दलका जनप्रतिनिधिहरु सहभागी नहुँदा वैडक पटक पटक स्थगित भएको थियो ।
मेयर राजन पौडेलले अबक आउने नगरसभाको लागि आवश्यक संख्या २५ प्रतिशत पुर्याएर नीति तथा कार्यक्रम र बजेट पास गर्ने भनेपछि एमाले र लोसपाका जनप्रतिनिधिले अवरोध गर्न खोजेका थिए । नेपाली कांग्रेस र एकीकृत समाजवादी अन्तिम समयमा नगर सभा बैठकका लागि सहमत भएका थिए ।
तर एमाले र लोसपा सहमत नहुँदा झडपको स्थिति बनेको हो ।नगर सभामा झडप भएपछि अहिले ठूलो संख्यामा प्रहरी परिचालन गरिएको छ भने नगर सभा सञ्चालन हुन सकेको छैन ।
