११ असार काठमाडौँ । एसईई परिक्षाको नतिजा अब एनसेल एपमार्फत हेर्न सकिने भएको छ । राष्ट्रिय परीक्षा बोर्डले हिजो प्रकाशित गरेको सूचना अनुसार, अहिले माध्यमिक शिक्षा परीक्षा एसइई २०८० को नतिजा एनसेल एपबाट पनि हेर्न सकिने बताएको हो ।
एनसेल एपको होम स्क्रिनमा गई एसईई रिजल्टमा ट्याप गरेर परीक्षार्थीको सिम्बोल नम्बर र जन्म मिति सबमिट गरेर नतिजा हेर्ने सकिने छ ।
बोर्डले नतिजा प्रकाशित भएसँगै सहज रूपमा नतिजा हेर्नका लागि विभिन्न माध्यमको व्यवस्था गरेको छ ।गत चैत १५ गतेदेखि सञ्चालित एसईई परीक्षामा देशभरका ५ लाख ४ हजार ४१४ जना विद्यार्थी सहभागी भएका थिए ।
२०८० सालको नियमित तथा ग्रेड वृद्धि परीक्षाको नतिजा सम्बन्धी विवरण अनुमति पाएका वेबसाइट, एसएमएस र आइभीआर सेवाबाट पनि लिन सकिने बोर्डले जनाएको छ ।
