१६ असार काठमाडौँ । गण्डकी प्रदेश सांसद फणिन्द्र देवकोटा पुनः उर्जामन्त्रीमा नियुक्त हुने भएका छन् । मन्त्री देवकोटालाई गण्डकी प्रदेश मुख्यमन्त्री सुरेन्द्रराज पाण्डेले आज एक कार्यक्रमा बिच आज ऊर्जा, जलस्रोत तथा खानेपानी मन्त्रीमा नियुक्त गरेका हुन् । सर्वोच्चबाट मुद्दा जितेर शुक्रबार संसद् छिरेका डा.बाबुराम भट्टराई नेतृत्वको नेपाल समाजवादी पार्टीका सांसद फणीन्द्र देवकोटा पुनः मन्त्री नियुक्त भएका हुन् ।
गत जेठ २८ गते नेकपा ९माओवादी केन्द्र०को निर्णयविपरीत सांसद देवकोटालाई मुख्यमन्त्री पाण्डेलाई विश्वासको मत दिलाएको भोलिपल्टै मन्त्री नियुक्त भएका थिए । माओवादी केन्द्रको चुनाव चिह्नबाट निर्वाचित भई माओवादी संसदीय दलकै सदस्य भएर ह्वीप उल्लंघन गरेको भन्दै माओवादीले पदमुक्त गर्ने निर्णय गरेको थियो ।
माओवादीको निर्णयअनुसार सभामुख कृष्णप्रसाद धितालले बजेट आउनु अघिल्लो दिन जेठ ३२ गते देवकोटा पदमुक्त भएका थिए । सभालाई पनि जानकारी गराएका थिए ।माओवादी केन्द्रको निर्णयमा सभामुखले पदमुक्त गरेपछि त्यसको विरुद्धमा सर्वोच्चमा रिट लिएर गएका देवकोटालाई प्रदेश सभा सदस्यकै हैसियममा काम गर्न आदेश भएको थियो ।
