१८ असार काठमाडौँ । गोरखाको गोरखा नगरपालिकाको न्यायिक समितिले नगरपालिका भित्रका सामुदायिक विद्यालय लक्षित ‘कानुनी साक्षरता कार्यक्रम’ आइतबार देखि संचालन गर्दै आएको छ । यस कार्यालयले आइतबार देखि सञ्चालन गरेको कार्यक्रममा आज सम्म ३ सामुदायिक विद्यालयहरुमा सहजीकरण गरिसकेको छन् ।
समितिले आइतबार र सोमबार गरेको कार्यक्रममा गोरखा नगरपालिका भित्रका ३ विद्यालय जसमा महालक्ष्मी मावि लक्ष्मीबजार, तारा मावि छेवेटार ,महेन्द्र मावि कुन्दुरमा कार्यक्रम सम्पन्न गरिसकेका नगरपालिकाकी न्यायिक समिति सदस्य साबित्रा थापा मगरले बताइन् । यसै कायैक्रममालाइ प्रथामिकता दिदै आज शक्ति मावि पाटेचौर र सरस्वती मावि आहालेमा कार्यक्रम सुरु गरिएको जानकारी दिइन् ।
समितिले गत वर्ष पालिका भित्रका १४ वटै वडामा कानुनी साक्षरता कार्यक्रम गरेको र उनीहरुले यो वर्ष ५ सामुदायिक विद्यालयका विद्यार्थीहरुलाई लागु औषध र कानुनी साक्षरताका विषयमा अभिमुखीकरण गारउने कार्यक्रम सञ्चालन गरेको बताए । यस नगरपालिकाको न्यायीक समितिले अब आउने हरेक बर्ष विधार्थीहरुलाई लक्षित गर्दै यो भन्दा अलि धेरै कायैक्रम लाउने बताए ।
यस कार्यक्रममा कानुन सम्बन्धी जिल्ला सरकारी वकिल कार्यालयका सुरेन्द्रराज काफ्लेले स्थानीय तहमा न्यायिक समितिको क्षेत्राधिकार र महत्वको विषयमा सहजीकरण गराए भने , अर्काे कार्यक्रममा सहभागी विद्यार्थीहरुलाई लागु औषधका विषयमा जिल्लाकै प्रहरी सुरक्षकर्मीहरुले अभिमुखीकरण गराएका हुन् ।
आइतबार देखि सुरुवात गरिएको कार्यक्रमा गोरखा नगरपालिका न्यायिक समिति संयोजक मसली माया थोकरको अध्यक्षता उदघाटन गरिएको हो । यस कार्यक्रममा न्यायिक समिति सदस्यहरु, सुरक्षाकर्मी, कानुनविद लगायत धेरै मात्रमा विधार्थीहरुको उपस्थिति थियो ।
