२६ असार काठमाडौँ । सेती नदीबाट दाउरा झिक्नेक्रममा नदीले बगाउदा एकजना बेपत्ता भएका छन् । तनहुँको व्यास नगरपालिका वडा न –१ भादगाउँ का ५५ वर्षका तालबहादुर थापा छाब्दीखोला दोभानमा बाढीले बगाएर ल्याएको दाउरा तान्दै गर्दा नदीमा बेपत्ता भएका जिल्ला प्रहरी कार्यालयले जनाएको छ ।
बेपत्त भएका पुरुषको खोजी जारी रहेको कार्यालयका प्रहरी नायब उपरीक्षक दीपककुमार रायले जानकारी दिए ।पहिरोले अवरुद्ध पृथ्वीराजमार्ग एकतर्फी सञ्चालन म्याग्दे गाउँपालिका–६ मौरीओढारमा आज बिहान पहिरो खस्दा अवरुद्ध पृथ्वीराजमार्गमा एकतर्फी सञ्चालनमा ल्याइएको छ । अविरल वर्षाका कारण खसेको लेदोसहितको पहिरोले राजमार्ग अवरुद्ध भएको थियो ।
