१ साउन काठमाडौँ । बाराको परवानीपुरमा बस दुर्घटना हुँदा १५ जना घाइते भएका छन्। आज बिहान चितवनबाट वीरगञ्ज जाँदै गरेको बस बारामा पाल्टिएको हो ।
यस घटनामा घाइते हुनेहरुको वीरगञ्जस्थित वयोधा अस्पतालमा उपचार भइरहेको छ। चितवनबाट वीरगञ्ज लागि छुटेको ना ७ ख ६०७६ नम्बरको बस दुर्घटनामा परेको जिल्ला प्रहरी कार्यालय बाराका सूचना अधिकारी दधिराम न्यौपानेले जानकारी दिए । बस आफै अनियन्त्रित भएर दुर्घटना भएको चाकले प्रहरीसंग खुलाएका छन् । १५ जना घाइते मध्येमा ३ जनाको अवस्था गम्भीर रहेको प्रहरीले बताए ।
बसमा २२ जना यात्रु सवार रहेको र उनीहरुको पहिचान खुल्न बाँकी रहेको भन्दै घटना पछि चालक र सह चालकलाई नियन्त्रणमा लिइएको पनि उनले बताए। घटना बारे अरु थप विवरण आउन बाकी रहेको छ ।
