३ साउन काठमाडौँ । गोरखाको भिमसेन थापा गाउँपालिकाले केही दिन अघि गाउँपालिका भित्रका सबै वडाका कृषकहरुलाई कृषि उपकरण वितरण गरेको छ । परम्परागत रुपमा गरिँदै आएको खेती प्रणालीलाई विस्थापित गरी आधुनिकिकरण र कृषिलाई व्यावसायिकतातर्फ लैजान कृषि उपकरण वितरण गरिएको भिमसेन थापा गाउँपालिकाका अध्यक्ष लोक प्रसाद बन्जराले जानकारी दिनु भयो ।
यस गाउँपालिकाले कृषिहरुलाई २७ लाख १२ हजार बराबरको कृषि उपकरण हस्तान्तरण गरेको हो । बाली लगाउने मेसिन, स्प्रे पम्प, पराल–घाँस काट्ने मेसिन, पम्प, हाते ट्याक्टर, मकै छोडाउने मेसिन लगायतका उपकरणहरु पालिका आफैले खरिद गरेर वितरण गरिएको पालिका अध्यक्ष बन्जराले बताउनु भयो ।
आठ वटै वडाका कृषिहरुलाई लक्षित हुने गरि प्रत्येक वडामा रहेका सहकारीलाई उपकरणको जिम्मा लगाइएको छ । पालिकाले हस्तान्तरण गरेको उपकरणहरु कृषि सहकारीद्वारा परिचालन गर्ने बताउनु भयो । पालिकाको ‘एक वडा एक कस्टम हायरिङ सेन्टर’ कार्यक्रम अन्तरगत उपकरण वितरण गरिएको हो ।
गाउँपालिकाले कृषि सहकारीहरुलाई हस्तान्तरण गरेको उपकरणहरु
माझथोक साना किसान कृषि सहकारी वडा न १ ,महेनली कृषि सहकारी वडा न २ ,सृजनशिल कृषि सहकारी वडा नम्वर ३ ,प्रगतिशिल कृषि सहकारी वडा न ४ , नमुना कृषि सहकारी वडा न ५,अश्राङ कृषि सहकारी वडा न ६,उद्यमशील साना किसान सहकारी वडा न ७ सृजनशिल बचत तथा ऋण सहकारी र वडा न ८ संगै सबै वडाको सहकारीसंग सम्झौता समेत गरिएको गाउँपालिकाले जनाए । सहकारीले सुपथ मुल्यमा किसानहरुलाई उपकरण भाडामा दिने गरी सम्झौता गरेका अध्यक्ष बन्जराले जानकारी दिनु भयो ।
