७ साउन काठमाडौँ । अबिरल बर्षाका कारण पृथ्वीराजमार्गअन्तर्गत चितवनको फिस्लिङमा पहिरो खस्दा मुग्लिन काठमाडौं सडकखण्ड अवरुद्ध भएको छ ।
चितवनको इच्छाकामना वडा न ३ फिस्लिङमा सोमबार बिहान खसेको लेदोसहितको पहिरो खसेर मेन सडकमा बगे पछि बिहान देखि मुग्लिन काठमाडौं सडकखण्ड दुईतर्फी नै सडक अवरुद्ध भएको इलाका प्रहरी कार्यालय मुग्लिनले जनाएको छ ।
प्रहरीका अनुसार बाटो बन्द भएपछि सवारी साधनहरूको लामो लाइन लागेको छ । मुग्लिन -नारायणघाट सडक भने सञ्चालनमा रहेको छ ।
बिहान साढे पाँच बजेदेखि पहिरो पन्छाउने काम जारी छ । पहिरो अलि ठूलो खसेको भएर त्यसलाई सफा गर्न मेसिनको प्रयोगबाट काम भइ रहेको प्रहरीले बताए ।
