८ साउन काठमाडौँ । केही दिन अघि धादिङ ज्यामिरेघाटमा भएको सडक दुर्घटनामा परी गोरखाका गण्डकी गाउँपालिकाका १ जना युवकको मृत्यु भएको छ । दुर्घटनामा परी मृत्यु हुनेमा गोरखाको गण्डकी गाउँपालिका वडा न ६ भूम्लिचोकका १६ बर्षिय मिलन थापाको मृत्यु भएको धादिङ प्रहरीले जानकारी दिए ।
हिजो सोमबार साँझ धादिङको बेनिघाट रोराङको ज्यामिरेघाटको सडकमा काठमाडौंबाट चितवनतर्फ जाँदै गरेको बा.प्र ०६–००१ ख ३०६ नम्बरको माइक्रोले ठक्कर दिदा गंभिर घाईते भएका थापाको उपचारको क्रममा मृत्यु भएको हो ।
दुर्घटना पछि थापालाई मलेखु अस्पतालमा प्रथामिक उपचार गरि काठमाडौं बाँसघारी न्यूरो अस्पतालमा थप उपचारको लागि काठमाडौँ रिफर गरि ल्याए पनि सोमबार राती उपचारको क्रममा मृत्यु भएको प्रहरीले बताए ।
ठक्कर दिने सवारी र त्यसका चालकलाई प्रहरीले घटना लगत्तै नियन्त्रणमा लिएर अनुसन्धान सुरु गरेको जनाएको छ ।
