९ साउन काठमाडौँ । काठमाडौं त्रिभुवन अन्तराष्ट्रिय विमानस्थलमा सौर्य एयरको जहाजमा एक्कसी धुवा निस्किएर दुर्घटनामा भएको हो । जहाज आज बिहान काठमाडौँ देखि पोखराप्राविधिकसहितको टोली लिएर उडन हुन लाक्दा दुर्घटनामा परेको एक प्रहरीले बताए ।
काठमाडौं उपत्यका प्रहरी कार्यालयका प्रमुख दीपक थापाका अनुसार जहाज बिहान करिब १० बजे तिर दुर्घटना भएको जानकारी दिए । अहिले दुर्घटनग्रस्त जहाजको उद्धार कार्यका लागि नेपाली सेना, सशस्त्र प्रहरी र नेपाल प्रहरीसहितको टोली खटिइसकेको छ । विमानस्थल कार्यालयका प्रमुख जगन्नाथ निरौलाले दिएको जानकारीअनुसार सौर्य एयरको जहाज दुर्घटनामा परेको जानकारी आएको बताए ।
जहाज उड्न लागेका बेला सन्तुलन बिग्रिएर दुर्घटनामा परेको बताइएको छ । जहाजमा चालक दलका सदस्य र प्राविधिक रहेका थिए ।प्राविधिक चेकजाँचका लागि जहाज पोखरा लैजान लागिएको थियो । जहाजका क्याप्टेन मणि शाक्यलाई उद्धार गरेर उपचारका लागि शाक्यलाई केएमसी अस्पताल पठाइएको उपत्यका प्रहरी कार्यालयका एसएसपी दिनेशराज मैनालीले जानकारी दिए ।
जहाजले ग्राउन्ड छाडिसकेपछि नियन्त्रण भएर बाहिर गएको सौर्य एयरका डेपुटी जनरल म्यानेजर उमेश आचार्यले बताए । उक्त जहाजमा प्राविधिक टोली १७ जना लिएर पोखरा उडन गरिएको हो । उक्त घटनामा घाइते भएका याप्टेन मणि शाक्यको अवस्था बारे खबर आएको छैन् ।
