१५ साउन काठमाडौँ । नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले नेपालीहरु हरेक क्षेत्रमा योग्य रहेको बताएका छन् ।
आज काठमाडौंमा आयोजित एक कार्यक्रममा बोल्दै पूर्वप्रधानमन्त्री नेपालले राजा वीरेन्द्रको आदेश नमानी प्रधानसेनापतिलाई बर्खास्ती गरेको बताए । पूर्वप्रधानमन्त्री नेपालले नेपाली विद्यार्थी र युवा पुस्ताले विभिन्न क्षेत्रमा कीर्तिमान कायम गरेको समेतको प्रशंसा गरेका थिए ।
आफु २०५१ सालमा रक्षामन्त्री बन्दा ‘कडा’ रुपमा काम गरेर निस्किएको समेत बताए । पूर्वप्रधानमन्त्री नेपालले राजा वीरेन्द्रले तत्कालीन प्रधानसेनापतिलाई बर्खास्ती गर्न नचाहँदा पनि आफूले बर्खास्ती गरेको बताए । तत्कालीन प्रधानसेनापतिले भ्रष्टाचार गरेपछि बर्खास्त गर्नुपरेको बताए ।अनुशासित भएमात्रै राम्रो जीवनयापन गर्न सकिने बताए ।
