१६ साउन काठमाडौँ । काठमाडौँको काठमाडौं महानगरपालिका वडा न ६ बौद्धमा मोटरसाइकल अनियन्त्रित भई दुर्घटना हुँदा एक जनाको मृत्यु भएको छ ।
दुर्घटना बौद्धगेट अगाडीको सडक खण्डमा बा ९० प ५२०७ नम्बरको मोटरसाइकल आफैं अनियन्त्रित भई दुर्घटना हुदा गम्भीर घाइते भएका उनको उपचारको क्रममा मृत्यु भएको प्रहरीले बताए ।
दुर्घटना मृत्यु भएका पुरुष चितवनको राप्ती नगरपालिका–९ घर भई हाल काठमाडौँ गोकर्णेश्वर नगरपालिका–५ जोरपाटी बस्दै आएका ५२ वर्षीय टीकाबहादुर पुन मगर रहेको प्रहरीले जनाएको छ ।
मगरको बौद्ध स्तुपा सामुदायिक अस्पताल चुच्चेपाटीमा उपचारको क्रममा मृत्यु भएको प्रहरीले जनाएको छ ।
