१६ साउन काठमाडौँ । काठमाडौँबाट धनगढीका लागि उडेको श्री एयरलाइन्सकी एयर होस्टेजमाथि दुर्व्यवहार गरेको आरोपमा एक युवालाई प्रहरीले विमानस्थाल बाटै पक्राउ गरेका छन् । श्री एयरलाइन्सकी एक एयर होस्टेजलाई दुर्व्यवहार गरेको आरोपको खबर जानकारी भए पछि विमानस्थलकै प्रहरीले ती यात्रुलाई पक्राउ गरिएको हो ।
प्रहरीले श्री एयरलाइन्समा यात्र गर्ने यात्रु शिवराज ओझालाई गल्ती गरेको भने सूचनाको आधारमा नियन्त्रणमा लिएको थियो । प्रहरीले पक्राउ गरेका ओझा कैलालीको गोदावरी नगरपालिका–१ का स्थानिय हुन ।
हिजो काठमाडौँबाट धनगढीका लागि उडेको विमानमा सवार यात्रुले सोहि विमानकी एयर होस्टेजमाथि दुर्व्यवहार गरेका थिए। त्यसपछि, विवाद बढ्दै गएपछि उनले विमानका अरू कर्मचारीलाई पनि दुर्व्यवहार गरेको बताइएको छ । प्रहरीले अभद्र व्यवहार मुद्दामा उनीमाथि अनुसन्धान गरिरहेको छ ।
