२१ साउन काठमाडौँ । काठमाडौँ सिनामंगलको एक होटलमा एक्कसी आगलागी भएको छ । त्रिभुवन अन्तराष्ट्रिय विमानस्थलको विपरित गेटको बाहिरको होटलमा आगो लागेको हो ।
प्रहरीका अनुसार सिटी गेस्ट हाउसमा आगलागी भएको छ । साढे तीन तले घरको सबैभन्दा माथिल्लो तलामा आगो लागेको हो ।
हाल दमकलको सहायताले आगो नियन्त्रणमा लिने प्रयास भइरहेको छ । यद्धपी आगलागीको कारण भने खुलिसकेको छैन । आगो नियन्त्रण गर्ने अहिले घटनास्थलमा नेपाल प्रहरी , स्थानिय, दमकलको प्रयोग भई रहेको छ ।
