२२ साउन काठमाडौँ । काठमाडौंमा विष्णुमती नदीको जलसतह सतर्कता तह पार भएको छ । मंगलबार बिहान गोंगबु जलमापन केन्द्रमा विष्णुमती नदी सतर्कता तह पार भएको बाढी पूर्वानुमान महाशाखाले जनाएको छ ।
नदीमा पानीको बहाव बढ्दो क्रममा छ । काठमाडौं विष्णुमती नदीको गोंगबु जलमापन केन्द्रमा हालको जलसतहले सतर्कता तह पार गरेको र बढ्दो क्रममा रहेकाले नदीतटीय क्षेत्र आसपास बसोबास गर्ने र सो नदी किनार भई यात्रा गर्नेहरूले दिउँसो २ बजेसम्म उच्च सतर्कता अपनाउनु पर्ने महाशाखाले सूचना जारी गरेको छ ।
