२२ साउन काठमाडौँ । लेदोसहित आएको पहिरोमा परी गुल्मीमा चार जनाको मृत्यु, दूई जना घाइते भएका छन् । घटना गुल्मीको मुसिकोट नगरपालिका वडा न १ बिसौनाको विष्णु विकको घरमा माथिबाट आएको पहिरोले घर बगाउदा चारजनाको घटनास्थलमा मृत्यु र दुईजना घाइते भएका प्रहरीले बताएको छ ।
गएराति परेको बर्षाले गर्दा गएको पहिरोमा परि मृत्यु हुनेमा ४६ वर्षीय गोरे विक, ६७ बर्षीय हुकुमबहादुर विक, ६६ बर्षीय मसुरी विक र साढे दुईबर्षीय रियान्सी विकको मृत्यु भएको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिए।
घाइते दुई जनामा २३ वर्षीया मुना विक र ३१ वर्षीय विष्णु विकको उपचार हुदै छ । विष्णु विकको घरमा दुई परिवार बस्दै आएका थिए। स्थानीय र प्रहरीको टोली घटनास्थलमा परिचालन भएका छन्। थप विवरण आउन बाकी छ ।
