२३ साउन काठमाडौँ । माध्यमिक शिक्षा परीक्षा ९एसईई० पुरक परीक्षाको आज सञ्चालन भएको छ । आज देखि हुने पुरक परीक्षाको सम्पूर्ण तयारीहरु हिजो नै पुरा भएको हो ।शिक्षा विकास तथा समन्वय इकाइका प्रमुख रमेश मैनालीका अनुसार केन्द्राध्यक्ष अभिमुखीकरण, प्रश्नपत्र र उत्तर पुस्तिकाहरु परीक्षा केन्द्रहरुमा वितरण लगायतका कामहरु भइ सकेको बताए ।
परीक्षा सभ्य र सरल ढङ्गबाट सम्पन्न गर्नका लागि विभिन्न निकायहरुसँग समन्वय गरेर काम गरिरहेको समेत प्रमुख मैनालीले जानकारी गराए । यो बर्ष भएको एसईई परिक्षा दिएका मध्य गोरखा जिल्ला भरीका ३२ प्रतिशत मात्र विधार्थी पास भएका थिए । त्यसै क्रममा अहिले पुरक दिने जिल्लाभरबाट १३४ माध्यमिक विद्यालयका २४ सय ६५ जना अनुत्तीण भए पनि पुरक दिनेमा २३ सय ६९ ले मात्र फारम भरि परिक्षामा सहभागी हुने देखिएको बताए ।
यस बर्ष सबै भन्दा धेरै पुरक परिक्षा दिनेमा गणित विषय १५ सयभन्दा बढीले र त्यस पछि विज्ञान विषयमा १५ सयले दिने छन् भने अर्काे अग्रेजीमा दिने विधार्थी रहेका छन् । आज बाट सञ्चालन हुने परिक्षा केन्द्रको लागि गोरखा जिल्ला भरि ६ वटा केन्द्रहरु तोकेको छ ।
जसमा गोरखा नगरपालिका ९ महालक्ष्मी मावि लक्ष्मीबजार,गोरखा नगरपालिका–८ को सरस्वती मावि आहाले, गोरखा नगरपालिका–६ शक्ति मावि पाटेचौर र महेन्द्र ज्योति मावि दरमार्ग ४ वटा छ भने , अरु २ वटामा एक पालुङटार नगरपालिकाको भवानी मावि ठाँटीपोखरी र आरुघाट गाउँपालिकाको भिमोदय माविमा केन्द्र तोकिएको शिक्षा विकास तथा समन्वय इकाइले जनाएको छ ।राष्ट्रिय परीक्षा बोर्डले यो वर्ष एसईईको परीक्षाफलमा सबै विषयमा ‘नन–ग्रेडेड’भएका विद्यार्थीले पनि पुरक परीक्षा दिन पाउने व्यवस्था गरेको छ ।
