२५ साउन काठमाडौँ । आज नागपञ्चमीको दिन नागपोखरीमा नागको पूजा गरेर मनाउदै छन् ।
यो पूजा हरेक वर्ष श्रावण शुक्ल पञ्चमीका दिन देशभर मनाइँदै आएको हो । परम्पराअनुसार घरका मूलढोकामा नागको तस्वीर टाँसी पूजार्चना गरी तथा नागको मन्दिर तथा पोखरीहरुमा पूजाआजा गरी नागपञ्चमी मनाइन्छ।
नागको तस्वीर टाँस्दा घरमा वर्षभर नाग, सर्प र बिच्छीलगायत जीवले दुःख नदिने र अग्नि, मेघ र चट्याङको भयबाट पनि बच्न सकिने धार्मिक विश्वास छ ।नाग पूजाको प्रचलन वैदिक कालदेखि नै सुरु भएको हो ।
नागलाई विष्णु र शिवका रुपमा मान्ने प्रचलन वैदिक सनातन कालदेखि नै छ ।
