२९ साउन काठमाडौँ । अब नेपाली बिधार्थीले विदेशमा अध्ययन गर्नका लागिजादा साटने पैसाको निधारण गरिएको छ । राष्ट्र बैंकले विदेशमा पढ्न जाने विद्यार्थीका लागि देश अनुसार पैसा साटन एक बर्ष भित्र कति डलर साटन पाउने भनि नियम बनाएको हो ।
जसअनुसार क्यानडा, संयुक्त राज्य अमेरिका, अस्ट्रेलिया र युरोपेली देशहरू जाने विद्यार्थीले सबैभन्दा बढी सटही सुविधा पाउँने छन् ।नेपालबाट बङ्गलादेश र पाकिस्तान अध्ययन गर्न जाने एक नेपालीले वार्षिक २ हजार ५ सय अमेरिकी डलर साटन पाउने छन् ।
त्यसैगरि चीन, मलेसिया, थाइल्यान्ड र फिलिपिन्स जानेहरूले ४ हजार अमेरिकी डलर र सिङ्गापुर ,दक्षिण कोरिया अध्ययन गर्न जाने विद्यार्थीले ६ हजार अमेरिकी डलरसम्म सटही सुविधा पाउने राष्ट्र बैंकले जनाएको छ ।क्यानडा, अमेरिका, अस्ट्रेलिया लगायत युरोपेली मुलुकहरूमा अध्ययन गर्न जाने नेपालीहरूले ८ हजार अमेरिकी डलरसम्म सटही सुविधा पाउँछन् ।
