२९ साउन काठमाडौँ । मानब बेचबिखन गरेको अभियोगमा झापा एक जना पक्राउ परेका छन् । पक्राउ पर्ने कमल गाउँपालिका–१ का ५४ वर्षीय बुद्धिराज न्यौपानेलाई सोमबार प्रहरीले पक्राउ काठमाडौँको गोकर्णेश्वर नगरपालिका–७ गौरीघाटबाट पक्राउ गरेको हो ।
विदेश पुगेका उनले असार २० गते नेपाल फर्किएर मानव बेचबिखन अनुसन्धान ब्यूरो बबरमहलमा उजुरी हाले पछि खोज तलस गर्दै जादा न्यौपानेलाई गौरीघाटबाट पक्राउ गरेको थियो । विदेश जाने पिडितलाई न्यौपानेले मासिक रु ७० हजार तलबमा ‘कुक’को काम लगाइदिने तथा काम गरेको केही समयपछि ‘ग्रिन कार्ड’ पाइने भनी प्रलोभन देखाई मौरिसस पु¥याएको पीडितको उजुरीमा उल्लेख छ ।
पीडितबाट रु दुई लाख ५० हजार लिई विसं २०८० मङ्सिर १३ गते भारतको नयाँ दिल्ली हुँदै मौरिसस पु¥याई मौरिसियन नागरिकको जिम्मा लगाई दैनिक १७÷१८ घण्टा घरको काम लगाई समयमा खान र तलबसमेत नदिई चरम श्रम तथा यौनशोषण गरेको अनुसन्धानबाट खुल्न आएको प्रहरीले जनाएको छ ।
अभियुक्त न्यौपानेउपर मानव बेचबिखन तथा ओसारपसार मुद्दामा काठमाडौँ जिल्ला अदालतबाट पाँच दिन म्याद थपको अनुमति लिई प्रहरीले आवश्यक अनुसन्धान गरिरहेको छ ।
