३१ साउन काठमाडौँ । सिन्धुलीमा बोलेरो गाडी दुर्घटना हुँदा दुईजनाको मृत्यु र ११ जना घाइते भएका छन् । कमलामाई नगरपालिका–४ मा बोलेरो दुर्घटना भएको जिल्ला प्रहरी कार्यालय सिन्धुलीका प्रमुख एसपी गोविन्द काफ्लेले जानकारी दिनु भयो ।
प्रहरीका अनुसार बिहीबार बिहान ९ बजेर २० मिनेटको समयमा तिनकन्याबाट सिन्धुलीको सदरमुकामतर्फ आउँदै गरेको बा २० च ८२८३ नम्बरको बोलेरो गाडी दुर्घटनामा परेको हो। दुर्घटनामा दुईजनाको मृत्यु भएको र ११ जना घाइते भएका छन्। घाइतेमध्ये तीन जनाको अवस्था गम्भीर रहेको छ भने , ८ जना सामान्य घाइते भएको हुन् ।
दुर्घटनामा घाइते भएकाहरुको सिन्धुली अस्पतालमा उपचार भई रहेको प्रहरीले बताए । घटनामा मृत्यु हुनेहरुको पहिचान भने खुलेको छैन। दुर्घटना भएको बीपी राजमार्ग सडक अहिले अवरुद्ध भएको छ। घटना बारे थप अनुसान्धान भई रहेको छ ।
