३१ साउन टोकियो । टोकियोको यदोगावा सिटीमा पर्ने कोइवामा नेपाली युवाहरुको समुहले स्वादिष्ट एवं टिपिकल नेपाली भोजन पस्कने उद्देश्यले करुवा कोइवा रेष्टुरेन्ट एण्ड बार सञ्चालनमा ल्याएका छन् । पछिल्लो समयमा नेपालीहरुको बस्ती बाक्लो हुँदै गएको कोइवा क्षेत्रका नेपाली र स्थानीय जापानीहरुलाई टिपिकल नेपाली स्वादको खाना पस्कने लक्ष सहित गत आइतबार एक समारोहका बीच रेष्टुरेन्टको औपचारिकरुपमा उदघाटन गरिएको थियो ।
अर्जुन ढकाल लगायतका युवा ब्यवसायीहरुको समुहद्वारा उक्त रेष्टुरेन्ट सञ्चालनमा ल्याईएको हो । स्टेज र करीब सयजना सिट क्षमतासहित राम्रो सभाहल भएको हुनाले करुवा कोइवा रेष्टुरेन्टमा बिबाह, भोज, बर्थ डे लगायतका पार्टीका लागि उपयुक्त रोजाई हुन सक्ने सञ्चालकहरुको दाबी छ ।
करुवा कोइवा रेष्टुरेन्ट
यो अगष्ट महिनाभरि ओपनिङ क्याम्पेन चलिरहेको र संगसंगै हिन्दु नेपाली नारीहरुको महान पर्व हरितालिका तीज पनि नजिकिंदैं गरेकोले यस अवसरमा करुवा कोइवा रेष्टुरेन्टले आफ्ना ग्राहकहरुका लागि १० प्रतिशत विशेष छूट दिने घोषणा पनि गरेको छ । जसअनुसार रेष्टुरेन्टमा पार्टीका लागि धमाधम अग्रिम बुकिङ पनि आईरहेको करुवा कोइवा परिवारले जनाएको छ ।
उदघाटन पछि ललिको तस्विर
करुवा कोइवा रेष्टुरेन्ट एण्ड बारको सञ्चालन संगै सामुहिक लगानीमा नेपालीहरुले नयाँ ब्यवसाय सुरुवात गर्ने सँस्कारको अभ्यासलाई युवा पुस्ताले समेत निरन्तरता दिएको पाईन्छ ।जेआर सोबु लाइनको कोइवा स्टेशनबाट मात्र ३, ४ मिनेटको दूरीमा रहेको करुवा कोइवा रेष्टुरेन्टमा एक पटक मात्रै भए पनि भिजिट गरेर नेपाली परिकारको स्वाद लिन र आवश्यक सुझाव दिन रेष्टुरेन्ट परिवारले जापानबासी नेपालीहरुमा अपिल गरेको छ।
रेष्टुरेन्टको उदघाटन रिबन काटदै
