५ भदौ काठमाडौँ । नारायणगढ मुग्लिन सडक खण्डमा माथिबाट खसेको ढुंगाले गुडिरहेको माइक्रो गाडीमा लाग्दा दुई जना घाइते भएका छन् ।घटना चितवन भरतपुर महानगरपालिका वडा न - २९ को १७ किलोमा ढुंगा खस्दा काठमाडौंबाट चितवन जादै गरेको माइक्रोमा एक्कासी माथिबाट ढुंगा खसेर गाडीमा लागेको जिल्ला प्रमुख अधिकारी इन्द्रदेव यादवले जानकारी दिनु भयो ।
आज बिहान काठमाडौँबाट छुटेको माइक्रो करिब ११ बजे तिर बा ०१-००६ ख ६४१४ नम्बरको माइक्रो अगाडि ढुंगा खसेको थियो । माथिबाट खसेको ढुंगाले माइक्राकोे सिसामा लागेर सिसा फुटेर फुटेको सिसाले अगाडी बस्ने आमा छोरीलाई चोट लागेको प्रहरीले बताए ।
घटनामा घाइते हुने नवलपुर देवचुली नगरपालिका-१३ बस्ने ३० वर्षीया कल्पना परियार र ५ वर्षीया कन्चन परियारको हातमा चोट लागेको छ। दुबै जनाको पुरानो मेडिकल कलेज भरतपुरमा उपचार भइरहेको छ।उनीहरूकाे अवस्था सामान्य रहेको जिल्ला प्रशासन कार्यालय चितवनले जनाएको छ।
