१२ भदौ काठमाडौँ । विदेशी भूमी अमेरिकाको अपार्टमेन्टमा नेपाली विद्यार्थी मुना पाण्डे मृत अवस्थामा फेला परेकी छन् । ह्युस्टन प्रहरीका अनुसार २१ बर्षीय पाण्डेलाई छातीमा गोली लागेको अवस्थामा फेला पारेको बताए ।
वेस्ट एयरपोर्ट बुलेभार्डमा प्रहरीले पाण्डेको शव फेला पारेको थियो। प्रहरीले जारी गरेको प्रेस विज्ञप्तिमा प्यारामेडिकले उनलाई घटनास्थलमै मृत घोषणा गरेका थिए । हालसम्म घटनाको कुनै पहिचान हुन सकेको छैन र अनुसन्धान जारी रहेको प्रहरीको भनाई छ ।
शवलाई पोस्टमार्टमका लागि पठाइएको छ ।नेपालको भोजपुर निवासी पाण्डे ह्युस्टन कम्युनिटी कलेजमा अध्ययनरत थिइन् । पाण्डे सन् २०२१ मा अध्ययनका लागि अमेरिका आएकी थिइन् ।
