१४ भदौ काठमाडौँ । धनुषाको महेन्द्रनगर नेपाल आयल निगमको डिपोमा कार्यरत एक कर्मचारीको हत्या भएको छ । घटना क्षिरेश्वरनाथ नगरपालिकाको सखुवा महेन्द्रनगरमा रहेको निगमको डिपोमा भएको हो ।
हत्या हुनेमा सिरहाको सिरहा नगरपालिका वडा न ३ मखनाहाका ४० वर्षीय राकेश बर्माको हत्या भएको इलाका प्रहरी कार्यालय महेन्द्रनगरले जनाएको छ । डिपोको पाइपलाइन शाखामा कार्यरत ज्यालादारी कर्मचारी बर्माको आज बिहान साढे १० बजे हत्या भएको गियो ।
राकेशको हत्या गरेको आरोपमा डिपोकै कर्मचारी धनुषाको धनुषाधाम नगरपालिका–४ का ३५ वर्षीय प्रकाश यादवलाई पक्राउ गरिएको प्रहरीले बताए ।
प्रहरीका अनुसार आज बिहान कार्यालयमै राकेश र प्रकाशबीच विवाद भएको र त्यही क्रममा प्रकाशले बेल्चाले राकेशको टाउकोमा प्रहार गर्दा राकेशको घटनास्थलमै मृत्यु भएको हो । प्रहरीले यादवलाई पक्राउ घटनाबारे अनुसन्धान गरिएको बताए ।
