२८ भदौ काठमाडौँ । गलकोट नगरपालिका वडा न २ भुङ्खानीमा जीप दुर्घटना हुँदा तीन जनाको मृत्यु र एक जना घाइते भएका छन् ।
उक्त दुर्घटनामा दुई महिला र एक पुरुषको मृत्यु भएको बागलुङ जिल्ला प्रहरी कार्यालयका प्रहरी निरीक्षक प्रताप पौडेलले बताए । प्रहरीका अनुसार गलकोटतर्फ जाँदै गइरहेको जीप दुर्घटना भएको हो।दुर्घटनामा घाइते भएका र ज्यान गुमाएकाको परिचय खुल्न सकेको छैन।
दुर्घटनामा एक पुरुष घाइते भएका छन्। प्रहरी घटनास्थल पुगेर उद्धारमा जुटेको छ। घाइतेलाई उद्धार गरी बागलुङ अस्पताल पठाइएको छ। यस घटना बारे थप विवरण अनुसन्धान भइ रहेको प्रहरीले जानकारी दिए ।
