३० भदौ काठमाडौँ । चितवनको मुग्लिन–नारायणगढ सडकखण्डको सिमलतालबाट मालबाहक ट्रक त्रिशूली नदी किनारमा खसेको छ।
भरतपुर महानगरपालिका–१९ स्थित सिमलतालको २५ किलो भन्ने ठाउँबाट मालवाहक ट्रक त्रिशूली नदी किनारमा खसेको चितवन प्रहरीले जनाएको हो । उक्त ट्रक सिमराबाट खाने तेल बोकेर काठमाडौँ तर्फ आउँदै गरेको ना.६ ख ६२८३ नम्बरको ट्रक दुर्घटना भएको जिल्ला प्रहरी कार्यालय चितवनले बताएको छ ।
दुर्घटना ग्रस्त ट्रकका चालक र सह चालक अहिलेसम्म सम्पर्कमा नआएको र उनीहरुको खोजी कार्य तिव्र गतिमा भइ रहेको प्रहरीको भनाइ छ ।
घटना आज बिहान भएको खबर प्रप्ता भए पछि अहिले घटनास्थलमा उनीहरुको खोजी तथा उद्धार लागि नेपाल प्रहरी ,स्थानिय परिचालन गरिएको हो । घटना बारे अहिले सम्म केही जानकारी आएको छैन र थप विवरणको अनुसन्धान भई रहेको छ ।
