३१ भदौ काठमाडौँ । पारा ओलम्पिक २०२४ मा नेपाललाई ऐतिहासिक पदक विजेता पलेशा गोवर्धनलाई गण्डकी प्रदेश सरकार र पोखरा महानगरपालिकाले आइतबार एक कार्यक्रम बिच नगदसहित सम्मान गरेको छ ।
नेपाल तेक्वान्दो संघको आयोजनामा पोखराको रंगशाला गरिएको सम्मान कार्यक्रममा गण्डकी प्रदेश सरकारले नगद रु १ लाख ५० हजार रुपैयाँ र पोखरा महानगरपालिकाले त्यसै कार्यक्रममा २ लाख २२ हजार २ सय २२ रुपैयाँसहित सम्मान पत्र दिएको थियो ।
यसै क्रममा नेपाल तेक्वान्दो संघ कास्कीले रु ५० हजार ५ सय हस्तान्तरण गरेको हो । यस कार्यक्रमको सम्मान गण्डकी प्रदेशका मुख्यामन्त्री सुरेन्द्र राज पाण्डे गण्डकी प्रदेश सरकारको सामाजिक विकास युवा तथा खेलकुदमन्त्री विन्दुकुमार थापा र पोखरा महानगरपालिका मेयर धनराज आचार्यले सम्मान पत्रसहित प्रदान गरेका थिए ।
पलेशाले पहिलो चोटी नेपाललाई पारा ओलम्पिक पदक जितेकी हुन् । उनले यस खेलको तेक्वान्दोको ५७ केजी भन्दा कम तौलको प्रतिस्पर्धामा सर्वियाली खेलाडीलाई पराजित गरि कास्य पदक जितेकी थिएन् ।
