१ असोज काठमाडौँ । सरकारले काठमाडौँ महानगरपालिकाका प्रमुख प्रशासकीय अधिकृत प्रदीप परियारलाई सञ्चार मन्त्रालयमा सरुवा गरेको छ । भदौ २७ गतेको मन्त्रिपरिषद् बैठकले अवधि नपुग्दै उनको सरुवा गरेको हो ।
उनको स्थानमा उद्योग वाणिज्य तथा आपूर्ति मन्त्रालयका सहसचिव सरोज गुरागाईलाई काजमा ल्याइएको छ । सरकारले ४० सहसचिवको सरुवा गर्ने क्रममा परियारको पनि सरुवा गरेको हो ।
अधिकृत परियार ८ महिना अघि काठमाडौँ महानगरमा सरुवा भएर आएका थिए । स्थानीय तहमा प्रमुख प्रशासकीय अधिकृतलाई कम्तीमा २ वर्षसम्म एउटा कार्यालयमा काम गर्न दिइने अभ्यास भएपछि परियारको छोटो समयमै सरुवा भएको हो ।
