९ असोज काठमाडौँ । कैलालीको धनगढी उपमहानगरपालिकाले धान काटिसकेको भए तत्काल भित्राउन अनुरोध गरेको छ।
मौसमविद्ले भारी वर्षाको प्रक्षेपण सार्वजनिक गरेपछि धान नकाटेको भए तत्काल नकाट्न र काटि सकेको भए अब नकाटन पालिकाहरूले अनुरोध गरेका छन् ।
सूचना प्रवाहका लागि कैलालीको धनगढी उपमहानगरपालिकाले वडा–वडा माइकिङ गर्दै आएको छ । माइकिङका लागि नगर प्रहरीहरू परिचालन गरिएको पालिकाले जनाएको छ ।
यसैगरी दाङको गढवा गाउँपालिकाले पनि सूचना जारी गरी काटिसकेको धान बाली भित्राउन र काट्न बाँकी भएको भए तत्काल नकाट्न किसानहरूलाई अनुरोध गरेको छ ।
मौसम पूर्वानुमान महाशाखाले असोज ७ गते बेलुका ६ बजे विशेष बुलेटिन जारी गरेर असोज १२ गतेसम्म मनसुन सक्रिय हुँदा भारी वर्षा हुने प्रक्षेपण सार्वजनिक गरेको थियो ।
