१० असोज काठमाडौँ । नेपालीहरुको महान् पर्व बडादशैँका लागि काठमाडौँबाट विभिन्न जिल्ला जाने सार्वजनिक यातायातको अग्रिम टिकट बुकिङ असोज १२ गते शनिबारदेखि खुल्ने गरिने भएको छ ।
यातायात व्यवस्था विभागका महानिर्देशक राजीव पोखरेलको नेतृत्वमा बसेको सरोकारवालाको बैठकले आउदो शनिवार १२ गते देखि टिकट दिने निर्णय गरेको नेपाल यातायात व्यवसायी महासंघले जनाएको हो ।
यसअघि पनि यही बिषयमा भौतिक मन्त्रालयले आयोजना गरेको बैठकमा घटस्थापना अगाडि सडक मर्मत सम्भार गर्न निर्देशन दिएको थियो ।
यस्तै, चाडबाडपछि भाडा समायोजन गर्नेसहित सहमति भई अग्रिम बुकिङ खुलाउने सहमति भएको थियो । सहमतिअनुसार विभागले अग्रिम टिकट बुकिङ खुलाउने निर्णय गरेको हो ।
