११ असोज काठमाडौँ । राष्ट्रिय स्वतन्त्र पार्टीले केन्द्रीय समितिको बैठक आइतबार बस्ने गरि बोलाएको छ ।पार्टीका एक नेताको भनाइ अनुसार पार्टीको केन्द्रीय समितिको बैठक आइतबार बिहान ११ः३० बजे पार्टी केन्द्रीय कार्यालय बनस्थलीमा बस्ने भएको हो ।
रास्वपाले आज गर्ने भनिएको पत्रकार सम्मेलन पनि केन्द्रीय समिति बैठक पश्चात् आइतबार २ः३० बजे गर्नेगरी तय गरिएको छ ।
बैठकमा समसामयिक राजनीतिक गतिविधि, पार्टीका नेताहरूको चीन भ्रमण, पार्टी गतिविधि रिपोर्टिङ, प्रथम राष्ट्रिय भेलाको समीक्षा, स्थानीय तह उपनिर्वाचन र महाधिवेशन केन्द्रित छलफल हुने एक नेताले जानकारी दिए ।
