११ असोज काठमाडौँ । विश्व पर्यटन दिवसका अवसरमा वीरगञ्ज नाका भएर भित्रिने पर्यटकलाई आज फूलमालाले स्वागत गरिएको छ ।
होटल तथा पर्यटन व्यवसायी संघ वीरगञ्जले विश्व पर्यटन दिवसका अवसरमा वीरगञ्ज नाका भएर भित्रिने पर्यटकलाई शंकराचार्य गेटमा फूलमाला लगाएर स्वागत गरेको हो ।
वीरगञ्ज नाका हुँदै जनकपुरधाम, पशुपतिनाथ लगायत धार्मिक स्थल हिँडेका भारतीय धार्मिक पर्यटकलाई फलफुल दिदै टीका र फूलमाला लगाएर स्वागत गरिएको संघले जनाएको छ ।
यसै दिवसको अवसरमा नेपाल भित्रिएका धार्मिक पर्यटकलाई गन्तव्य स्थलसम्म पुग्न भाडाको समेत व्यवस्थापन गरिएको थियो । यस कार्यक्रममा होटल तथा पर्यटन व्यवसायी, सुरक्षा निकायका प्रमुख, सञ्चारकर्मी लगायतको ठुलो संख्यामा उपस्थिति भएको थिए ।
