१३ असोज काठमाडौँ । गोरखाको शहिदलखनमा ७० बर्षीय वृद्वको खोलाले बगाएर मृत्यु भएको छ । शहिदलखन गाउँपालिका वडा न ६ सुखौरा खोलाले बगाउदा वृद्ध महिलाको मृत्यु भएको हो ।खोलाले बगाएर मुत्यु हुनेमा शहिदलखन गाउँपालिका–६ अँधेरी बस्ने ७० वर्षीया बालकुमारी श्रेष्ठ भएको गोरखा प्रहरीले पुष्टी गरेको छ ।
एक्कासी खोला किनारामा महिलाको शव देखेपछी स्थानियले प्रहरीलाई खबर गरि खबर प्रप्ताको आधारमा गोरखा प्रहरी घटनास्थलमा पुगेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले बताए ।
प्रहरीका अनुसार घटना भएको खबर पाए सँगै हामी पुग्दा एक वृद्व महिलाको शव खोला किनारमा देखिएको जानकारी दिए । उक्त शव कहिले देखि थियो थाहा नभए पनि प्रहरी खबर लगतै आज बिहान ८ बजे शव फेला परेको बताए ।
मृत्यु हुने वृद्वा महिलालाई बुंकोटको स्वास्थ्य चौकीमा स्वास्थ्य जाँच गराएर फर्कने क्रममा उक्त घटना भएको हुन सक्ने सूचना अधिकारी श्रेष्ठले बताए । घटना बारे थप अनुसन्धान भई रहेको प्रहरीले बताए । अहिले वृद्वाको शव पोष्टमार्टमको लागि गोरखा अस्पताल लगिएको छ ।
