१७ असोज काठमाडौँ । चितवनबाट काठमाडौँ आउँदै गरेका नरेन्द्र खत्री झ्याप्ले खोलामा मृत भेटिएका छन् ।
असोज ११ मा दिउँसो १ बजेतिर उनी माइक्रोबसमा चढेर काठमाडौँ हिँडेका थिए ।नरेन्द्र खत्रीको शव धादिङको धुनीवेशी नगरपालिका स्थित झ्याप्लेखोला पहिरोमा भेटिएको जिल्ला प्रहरी कार्यालय धादिङका इन्स्पेक्टर प्रह्लाद सिलावालले रातोपाटीलाई बताए ।
६५ वर्षीय खत्री चन्द्रागिरी नगरपालिका वडा नम्बर–१ का स्थानीय हुन् ।हिमालयन डिस्टीलरीमा कार्यरत उनको शव सनाखत गरेर परिवारले दाहसंस्कार गरिसकेका छन् ।
