४ कात्तिक काठमाडौँ । नेपालले अमेरिकाविरुद्ध रोमाञ्चक जित हात पारेको छ। आइतबार डालासमा भएको टी २० शृंखलाको दोस्रो खेलमा नेपालले सुपर ओभरमा रोमाञ्चक जित हात पारेको हो।यससँगै नेपालले एक खेल अगावै अमेरिकाविरुद्धको शृंखला जितेको छ।
टस जितेर ब्याटिङ गरेको नेपालले निर्धारित ओभरको खेलमा ६ विकेट गुमाएर १७० रन बनाएको थियो।
जवाफी ब्याटिङ गरेको अमेरिकाले निर्धारित ओभरको खेलमा ८ विकेट गुमाएर १७० रन बनाएपछि खेल टाइ भएको थियो। नेपालले यसअघि पहिलो खेलमा अमेरिकालाई १७ रनले हराएको थियो।
